دير المليحة.. صورة قديمة من طرابلس
كتبهاعلي رحيل ، في 13 فبراير 2009 الساعة: 10:44 ص
دير المليحة ما دير السية ما يلحقك مخلوق بالأدية
ما دير الزلة
ما تقول كلمة اتصولك للدلة
قداش من دكتور مات بالعلة
قداش من رياس فوقهم بحرية
كون صاحب عفة
لسانك علي العباد ديمه كفه
البطال ما تحاديه و لا تواتي صفه
يعديك في عقلك تولي زيه
كون شانك عالي
انصب على الهمة وراك تبالي
تنحب عند الناس ديمة غالي
و الناس تجيك يتشرفوا بالجية
ـــــــــــــــــــــــــــــــــــــــــــــــــــــــــ
التصنيفات : صور من طرابلس القديمة, صور من ليبيا القديمة, فنون ليبية | أرسل الإدراج | دوّن الإدراج
